O Cerco, un xeito de vida
Promoción 2021
Promoción 2021
A Asociación de Armadores de Cerco de Galicia – ACERGA – promociona en colaboración con Adrián Albino, cociñeiro do restaurante Niño Corvo, o consumo de manxares que proveñen da pesca do cerco.
Desfruta da sardiña, do xurelo ou da boga preparadas a bordo dun dos barcos da organización, e anímate a preparalas no teu fogar.
Receitas e Elaboracións
Receitas e Elaboracións
Sardiña vs Boquerón
Ingredientes:
- 4 sardiñas
- Vinagre de mazá
- Migas de pan de millo
- Piparras encurtidas
- Aceite de xirasol
- Salsa de soia
Para o arroz:
- 300 g arroz
- 300g auga
- 10 minutos lume medio e 10 minutos en repouso
- Vinagre de arroz
- Azucre e sal
Elaboración:
Empezamos co arroz, cocémolo coa mesma cantidade de auga, engadimos vinagre de arroz con azucre e sal ó gusto, e tapamos cun trapo húmido.
Limpamos as sardiñas, separamos por un lado os 2 lombos e por outro lado a espiña ben limpa.
De 8 lombos, metemos 4 en vinagre de arroz aproximadamente 15 minutos, secámolos ben e gardamos para o momento do emplatado.
Cos outros 4 lombos, pintamos ben con soia e sopleteamos ou cociñamos ó forno, pouquiño tempo, que quede moi zumarento (un par de minutos chegarían).
Fritimos en aceite de xirasol a espiña para que trisque ben. Hai que enfariñar, rebozar, ben en migas de pan, ben en pan raiado.
Para empratar:
Poñemos en cada prato 2 bolas de arroz, cun lomo de cada elaboración enriba. A espiña fritida no medio.
Enriba do lombo encurtido en vinagre poñemos un pedaziño de piparra e sal. Enriba do lombo pintado con soia un pouquiño de migas de pan de millo e sal.
Boga curada á galega
Ingredientes
- 1 boga
- Alcaparras
- Aceite xirasol
- Allo
- Aceite oliva
- Pementón doce
- Auga de mar
- Salsa de soia
Elaboración:
Limpamos e separamos a boga en dous lombos e sumerxímolos en auga de mar 40 minutos.
Elaboramos unha allada ó gusto. (Allo, aceite de oliva, pementón e un pouquiño de vinagre fóra do lume).
Retiramos os lombos da auga, secamos ben e retiramos coa axuda dunha pinza as espiñas, quitamos a pel coa axuda dun coitelo ben afiado.
Cortamos en láminas o máis finas posibles, (como se fora un carpaccio). Fritimos en aceite de xirasol unhas alcaparras.
Poñémolas sobre o prato e aderezamos con sal, salsa de soia e cantidade suficiente de allada e decoramos coas alcaparras fritidas.
Xurelo con soia, sake e sésamo garrapiñado
Ingredientes
- 2 xurelos
- Salsa de soia
- Sake
- Snack de alga
- Sal / auga de mar
- Sésamo
- Azucre
Ingredientes
- 300 g arroz
- 300g auga
- 10 minutos de lume medio e 10 minutos repouso
- Vinagre de arroz
- Azucre e sal
Elaboración:
Empezamos co arroz, cocémolos coa mesma cantidade de auga, engadimos vinagre de arroz con azucre e sal ó gusto, e reservamos nun trapo húmido.
Limpiamos os xurelos e separamos en lombos.
Metémolos o en sal ou en agua de mar (mellor) e curamos aproximadamente 15 minutos.
Quitámoslle as espiñas e a pel suavemente cun coitelo ben afiado, e cortamos en anacos da cola en sentido á cabeza.
Pintamos con salsa de soia e soploneamos ou gratinamos ó forno un par de minutos, que quede zumarento.
Poñemos ó lume un cazo con 100 ml de soia e 50 ml de sake (valería outro viño branco), levar a ebullición e retirar do lume.
Por outro lado, 25g azucre e un pouquiño de auga, engadimos 100g de sésamo e quentamos ata que se funda o azucre e caramelize o sésamo. (Tamén se vende en tendas especializadas o propio sésamo garrapiñado).
Para o empratado:
Poñemos unha base de arroz no fondo do prato.
O xurelo repartido coa forma do lombo enriba do arroz.
Engadimos sal e a salsa de soia e sake.
Decoramos co sésamo garrapiñado todo o lombo do xurelo.
Podemos engadirle snack de alga, ou en caso de non dispoñer podemos usar calquera tipo de alga. (Enfariñada e fritida previamente).
Non precisas tanta leria para conseguir o peixe máis fresco!
Este é o noso spot publicitario para a campaña 2021. Poderás velo en RRSS e tamén na TVG!
Os barcos de ACERGA traen o peixe máis fresco á túa mesa diariamente. Pide sardiña, xurel, cabala ou boga na túa peixaría e dille que os queres de cerco ou da ardora, e levarás un manxar de calidade á túa mesa.
#NonPrecisasTantaLeria
Esta acción forma parte do Plan de Producción e comercialización de ACERGA, coa financiación do FEMP e Xunta de Galicia.
ORGANIZA
COORDINA
COLABORA
FINANCIAN
